محتــــــــــــــــاره ارجوكم ساعدوني

[كلي حزن]

ياناس أرجوكم ساعدوني أنا محتارة مدري وش أسوي
أنا خريجة خدمة إجتماعية من جامعة الملك سعود من سنة أو أكثر تقريبا ومتاح لي الحين فرصة دراسة دبلوم سجلات طبية لمدة عامين ونصف
مدري أدور وظيفة بتخصصي الجامعي أو أبداء دراسة سجلات طبية
وهل لسجلات الطبية فرص وظيفية في المستقبل مدري أرجوكم ساعدوووووني مادري أحس طفشت من الدراسة

[عبد الله الساهر]

نصيحتي لك ..

استخيري ربي .. وما خاب من استخار...


الشيء الآخر .. بصراحة تخصصك صعب جداً بالتوظيف ..

والسجلات الطبية .. والكليات الصحية .. الاقبال عليها .. كبير جداًمن خلال التوظيف ...

بعد الحرص الكبير على السعودة .. يعني رأيي توكلي على الله .. ولكن القرار الاخير اتمنى ان يكون


بعد ان تستخيري ربي ..


والله يوفقك

[قوس قزح]

أهلين أختي ’,

مثل ماقالك أخوي عبدالله استخيري مره ومرتين وثلاث ماراح تندمين ’,

ونصيحه لك أدرسي يـــــــا سرع السنتين وتروح

شوفي رمضان باقي عليه أقل من شهر !! سبحان الله من يصدق والله كأن ماله الا 4 أو 6 شهور مخلص


وهذا رمضان جاء الله يجعلنا من صوامه وقوامه يارب ’,’


نصيحه أدرس الدنيا صارت صعبه لاتتكيسلين توكلي على ربك ماراح ينفعك بعد الله سبحانه وتعالى الا وظيفتك > أسأل مجرب ولا تسأل طبيب ’,

الله يوفقك ويسهل عليك يارب ويرزقك باللي تتمنينه .

[كلي حزن]

شكرا لكم على النصيحة والله يكتب الي فيه الخير

[ابن الوطن]

استخيري ربك مثل ماقالوا اخوواني وصدقيني الدرااسه افضل كملي

والله يوفقك ويفتحلك باب رزقه

تحيااتي

[فلورندا]

استخيري الله أولا وشوفي الأصلح لك

الوظايف ماهي عند الباب

قوي شهادتك بشهادات آخري

ودراسة السجلات مع تخصصك أعتقد فية فرصة أكبر في مجال التوظيف

بالتوفيق حبيبتي

[لحن نجد]

الله يوفقك يارب وتتيسر لك

[كلي حزن]

مشكورين على نصيحتكم انا صليت صلاة الأستخارة ودعيت الله انه ييسر لي الأصلح
في اليوم الثاني لقيت أمي رافضة الفكرة مع إنها أول كانت متحمسةوتقول أن الشهادة سجلات طبية ماراح تدعم شهادتي الجامعية يعني كل تعبي راح يروح عى الفاضي وهذي التخصصات للي تخرجوا من الثانوي