العودة   منتديات العبير > المنتديات العامة > مجلس أوراق ملونة

مجلس أوراق ملونة أوراقـ متساقطهـ على شغافـ قلوبكمـ .. [تم تحديث قوانين القسم نسعد بإطلاعكم]


عدد مرات النقر : 25,242
عدد  مرات الظهور : 36,402,802

إضافة رد
 
LinkBack أدوات الموضوع انواع عرض الموضوع
قديم 18-11-2010, 01:42 AM   #1
عضو مبدع

الصورة الرمزية روشة

 رقم العضوية :  71389
 تاريخ التسجيل :  14-04-2010
 المشاركات :  714
 الجـنـس :  أنثى
 عدد النقاط :  2927
 قوة التقييم :  روشة has much to be proud ofروشة has much to be proud ofروشة has much to be proud ofروشة has much to be proud ofروشة has much to be proud ofروشة has much to be proud ofروشة has much to be proud ofروشة has much to be proud ofروشة has much to be proud ofروشة has much to be proud ofروشة has much to be proud of
 اخر مواضيع » روشة
 تفاصيل مشاركات » روشة
 أوسمة و جوائز » روشة
 معلومات الاتصال بـ روشة

Roor "]قصة عن الصدااقة تقطع القلب اقرؤها ومستحيل


السلام عليكم ورحمة الله وبركاتة[/center

خالد واحمد
خالد و أحمد اعز أصاحب من خلقوا ع هذا الأرض واهم مع بعض...روحان بجسد واحد ...توأمان ...شنو اقدر أقول عنهم...إخوان من أمان مختلفان وآباء مختلفان..من دخلوا المدرسة واهم كل شي يسونه مع بعض الملابس يشترون نفس الشي...وإذا احمد أو خالد معه شي والثاني ما معه يعطيه حقه...يخاف انه يزعل عليه أو يمسك ف قلبه..
خلصوا الابتدائية والثانوية وجابوا نسب الحمد لله تأهل للدراسة بالخارج...ودخلوا بنفس الجامعة لين رجعوا حاملين الشهادة تفرح اهاليهم ....
كان خالد دائما يقول لأحمد ((احمد أنت اخوي ))
يرد احمد ضاحكا((ليش عندك شك بهذا الشي ؟؟؟))
ابتسم خالد((لا ما عندي شك)) ....

جاء اليوم اللي خطب فيه احمد اتصل ف خالد أكثر من مره يبي يبشره بس خالد ما يرد ع جواله وركض احمد لبيت صديقه فرحان يبشره..وكان متاكد انه راح يفرح له...ضرب جرس البيت وخرجت الخدامة ...
احمد((وين بابا خالد؟؟))
الخدامة((بابا خالد مافي هنا يروح))
احمد((وين يروح ؟؟؟))
الخدامة((مافي معلوم))
احمد مبتسم((أنزين إذا يجي قل مشان هوا يتصل علي ))
الخدامة ((اوكي))
وفي اليوم الثاني كان احمد سهران ينتظر اتصال خالد ...وقلق عليه كثير...رن الجوال وركض احمد مثل المجنون وكان الاسم ((توأمي))احمد بسرعة((الو خالد الله يهداك وينك من أمس اتصل عليك أقلقتني الله يهداك...خالد وينك؟؟؟))
خالد وصوته مخنوق كأنه يبكي ((معاك))
احمد بخوف((خالد وش بك؟؟؟ ليش صوتك مخنوق))
خالد ((ما فيني شي...صحيح مبروك يا كلب راح تتزوج ها))
احمد مبتسم((الله يبارك فيك...بس ها مثل ماكنى نقول زمان...نتزوج مع بعض...بنفس اليوم))
خالد خنقته العبرة((إيه ))
احمد((خالد وش فيك؟؟؟؟ عمي به شي عمتي..أنت ))
خالد عرف إن احمد كشفه...واشلون ما يكشفه وهذا اعز صديق بالنسبه له...اشلون ما يعرف وهذا من فتح أعيونه ع الدنيا واهووا يشوفه((احمد أنا محتاج أشوفك))
احمد((ألحين أجي لك ف البيت))
خرج احمد من البيت مثل الشخص المجنون..وراح لبيت خالد..ولمن فتح خالد الباب حضن احمد وجلس يبكي ...واحمد يهديه....وش فيه صديقه ...وش فيه اخوه...وش فيه توامه...ليش اهووا منهار كذا...
ندم احمد ع انه جاء لخالد...ندم لانه جاء له....الحين احس بالخوف ولا يريد يعرف السبب...حس ان بكاء خالد وراه مصيبه..مسك احمد اعصابه ووضع يده ع ظهر صديقه واخوه وشد عليه ...
أحمد((وش اللي مضيق صدرك ياخوي؟؟؟ياعساه الهم اللي فيك فيني...ولا يضايق عليك كذا...وش فيك؟؟))
خالد((انا تعبان))
احمد((اعطيني اشوي من التعب ...احمله عندك عشان يخفف عليك...خلينا نتقاسم هذا التعب))
خالد((بعيد الشر عنك))
احمد((خالد تكلم وش فيك))
خالد((اكتشفت امس اني مصاب بمرض سرطان الدم...وفي مرحله متاخرة))
انصدم احمد وفتح اعيونه ع كبرها...اكيد مقلب مقلب((ماراح اصدقك لان اكيد هذا مقلب من مقالبك))
خالد((......))
احمد يصارخ عليه((خالد انا ميه مره حذرتك من هل المقالب ....تصدق انا الغلطان اني جيت لك..انا رايح))
خالد ((احمد احمد))
تركه احمد ودخل البيت يبكي بصوت عالي ...و مازال احمد مصر انه مقلب...بس فكر مجرد تفكير انهم راح يفترقوا...
خرجت ام احمد وابواحمد...
ابواحمد((احمد ليش تصيح وانا ابوك))
احمد رفع عيونه لابوه وقال((اذا مات خالد انا اموت وراه والله اموت وراه...ولان العيشه ماتسوى من غيره))
ودخل غرفته...وجلس اسبوع مايطلع ولا ياكل ..ولايرد ع مكالمات خالد....
لين دخل خالد عليه وجلس بجانبه((بعدك مصر انه مقلب))
احمد((.....))
خالد((انا ماكذب عليك ...والدكتور يقول انه بقى لي شهر والله اعلم))
احمد ودموعه ع خده((وين الاتفاق اللي اتفقنا عليه ))
خالد((هذا إرادة الله مانقدر نعترض عليها))
احمد ((الحين الطب تطور نقدر نسافر ونعالجك))
خالد((انا كنت اعرف من شهرين اني مريض ماتركت مستشفى الارسلت له اوراقي...والكل اتفق انه خلاص متنشر بجسمي ...يعني مايفيد))
احمد((.....))
خالد((احمد انا طالبك..قدم زواجك ودي احضره قبل ماموت..انا من عرفت انك خطبت وانا ابكي اخاف اموت ولا احضر زواجك ياخوي))
احمد يبكي((يعني كنت تبكي مب من الخوف من الموت ...كنت تبكي خايف ماتحضر زواجي))
حضنه خالد((وانا من لي غيرك ياخوي))
بكى احمد من قلبه ...وقدم عرسه وخلاه بعد شهر ...وليلة عرسه رقص خالد من قلبه وكل شوي يحضن احمد واحمد دموعه ع خده تنزل ...والكل ساكت يعرف بحاله خالد...
ولمن جاء زفه احمد قال خالد((والله ماحد يزفك غيري))
احمد ودموعه مانزلت وحضنه((اكيد انت اللي راح تزفني ))
خالد((مبروك يابوخالد))
احمد ((الله يبارك فيك يابو احمد))
وانزف احمد وخالد رقص فرحان باخوه ...
احمد مسك خالد((خلاص ياخوي ارهقت نفسك))
خالد((اتركني اطلع اللي بقلبي))
احمد((ارتاح شوي))
خالد((انا مرتاح كذا))وانتهى العرس بعد توديع خالد لاحمد..وف اليوم الثاني الساعه 7 الصبح...كان احمد حاس بضيق..بعد ماسهر اليل كله يكلم زوجته عن خالد نامت زوجته واهي حاسده خالد طلع احمد من الفندق وراح لبيت خالد..محتاج له يبي يشبع منه قبل مايروح..واكتشف احمد ان خالد ف المستشفى ينازع الحياه...ركض له ولمن دخل الغرفه ..
احمد مسك يد اخوه((افا تروح ولا تبي تودعني))
فتح خالد اعيونه((وش جابك ياعريس))
احمد((كنت من اول حاس ياخوي ان بك ششي))
خالد((انتبه ع روحك يا احمد تراك غالي))
احمد ((ان شاء الله))
خالد ((تعرف وش نفسي فيه الحين))
احمد((وش))
خالد((نرجع لايام اول ....تذكرني ياخوي واحكي لي وش كنى نسوي..قوله لي))
احمد((ليش تريد تعرفها ...وانت متاكد انه كل شي سوينها محفور بقلبك))
خالد مبتسم((وش اسوي ابي قصه قبل النوم))
احمد((ههههه...أبشر من عيوني ياخوي ....تذكر ياخالد لمن كنا بفصل واحد وجاء المدير فرقنا عن بعض))
خالد((اذكر ....جلست طوال الوقت اترجاه يرجعنا ...عملت مشكله))
احمد((ولا تتذكر رحلتنا للبحر...كيف سهرنا الليل كله نشعر ونغني ونصيد السمك))
خالد((ولا رحلاتنا للبر))
احمد((ولا لمن مرضت انا اقسمت بالله ان مااحد يجلس معي الا إنت ...وهبلت ف الممرضه))
خالد غمض اعيونه((الله ع ذيك الايام))
وجلسوا يتذكرون ايام زمان ووفي اليوم الثاني ...صحى احمد وشاف خالد نايم راح يغسل وجهه وصلى ...دخل الدكتور يفحصه...وخذ البطانيه ووضعها ع وجهه ...
احمد مستغرب((خير دكتور))
الدكتور((البقيه بحياتك))
انصدم احمد ان صديقه راح ...مات خالد بهدوء ...راح احمد له وحضنه وجلس يبكي بصوت عالي ((اخوي ...اخوي راح ...خالد ...خالد ...خالد لاتروح ياخالد...انا مابي من هل الدنيا غيرك انت ياخوي...خالد ...ياخالد رد علي ...رد علي تكفى ))
مر اليوم وانتشر الخبر ان خالد مات...وغسل احمد خالد ودموعه تنزل وتنزل...ولمن دخلوا القبر حلف ان ماحد ينزله الا اهووا احمد ...
وبعد ماراحوا جلس احمد ع قبر خالد يدعي له والشيخ معاه...
الشيخ((خلاص يا احمد ...تقبل حكمه الله ...وكلنا راح نروح من الدنيا هذه))
احمد((بس هذا خالد...انا مقدر اعيش من غيره ياشيخ))...
الشيخ((قوم معاي خلينا نرجع البيت)) ...
احمد ((لا باجلس هنا معاه ...انا اخاف ارجع البيت ... البيت كله يذكر بخالد ))
الشيخ((عيل خلينا نروح المسجد ...مافي مكان افضل منه للراحه))
مشى احمد مع الشيخ وجلس يقري القران ويبكي ...وبعدها دخل البيت...دخل ع زوجته ...وقال لها((انا اول طفل لي راح اسميه خالد)) ودخل ينام....
وبعد اسبوع دخلت زوجته ع احمد تصحيه ما صحى احمد...واكتشفوا انه مات ع سريره....ماقدر يعيش من غير صديقه...
وكانت زوجة احمد حامل ...وولدت وجابت ولد سمته خالد مثل ماتمنى احمد
وهذا قصه صداقه مابين احمد وخالد



ياخوي من بعدك أنا صابني هم
أرجوك ترجع يا عسى عمرك طويل
البعد خلى الجسم ناقص من الدم
عود ترى ياخوي مشتاق لك حييل

كل ما يمر طيفك عليا يسلم
ادموع عيني تنهمل كأنها سيل
الصبح من نورك تراه تعلم
والبعد خلى ليلتي ليل في ليل

حتى خفوقي من غيابك تألم
والنفس ما تقوى لشوفتك تأجيل
انت الذي على الجرح تنحط مرهم
يا من انا ما شفت من طيبه مثيل
م...ن


[/SIZE][/COLOR]

توقيع :

روشة غير متواجد حالياً
رد مع اقتباس
رسالة لكل زوار منتديات العبير

عزيزي الزائر أتمنى انك استفدت من الموضوع و لكن من اجل منتدى ارقي و ارقي برجاء عدم نقل الموضوع و يمكنك التسجيل معنا و المشاركة معنا و النقاش في كافه المواضيع الجاده اذا رغبت في ذلك فانا لا ادعوك للتسجيل بل ادعوك للإبداع معنا . للتسجيل اضغظ هنا .

قديم 18-11-2010, 02:35 AM   #2
مشرفة الأحتياجات الخاصة

الصورة الرمزية عزوف

 رقم العضوية :  57209
 تاريخ التسجيل :  17-11-2009
 المشاركات :  25,653
 الدولة :  طالبها بالحياة
 الجـنـس :  أنثى
 عدد النقاط :  68680
 قوة التقييم :  عزوف has much to be proud ofعزوف has much to be proud ofعزوف has much to be proud ofعزوف has much to be proud ofعزوف has much to be proud ofعزوف has much to be proud ofعزوف has much to be proud ofعزوف has much to be proud ofعزوف has much to be proud ofعزوف has much to be proud ofعزوف has much to be proud of
 SMS :

من الجيد اننا نكتب من خلف الشاشة ومن الجيد جدا انة لا احد يستطيع التاكد من كوننا نبكي ام لا

 اخر مواضيع » عزوف
 تفاصيل مشاركات » عزوف
 أوسمة و جوائز » عزوف
 معلومات الاتصال بـ عزوف

افتراضي


الله صداقه نادره هالايام بث يابخت من يلاقي هيك

عووافي

توقيع :

آللهم ’
إن بين ضلوعي ( أُمْنـيَـة ) !
يتمنآهآ قلبي وروحي و عقلي . .
فلآ تحرمني من - فرحة - تحقيقهآ ،
فَ إنگ وحدگ من تقول :

گن ف يكوووووون

عزوف غير متواجد حالياً
رد مع اقتباس
قديم 29-11-2010, 06:43 PM   #3
ILOVE China

الصورة الرمزية اميره الذوق

 رقم العضوية :  79307
 تاريخ التسجيل :  05-07-2010
 المشاركات :  1,035
 الدولة :  في قلب الصين
 الجـنـس :  أنثى
 عدد النقاط :  10
 قوة التقييم :  اميره الذوق is on a distinguished road
 SMS :

تـــــــــــــــــذكر ســــــــورة [الــكهف ] كـــل جمــــعة

 اخر مواضيع » اميره الذوق
 تفاصيل مشاركات » اميره الذوق
 أوسمة و جوائز » اميره الذوق
 معلومات الاتصال بـ اميره الذوق

افتراضي


قصة بجد مؤثـــــــرره

يعطيكي الف عافيه
رووووشهـ

اميره الذوق غير متواجد حالياً
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
من فضـائل شهر رمـضان رمزالعطاء مجالسُ الدعوةِ إلى الله حُجةٌ وتاجٌ من نور 5 03-08-2014 03:17 PM
وظائف القلب الاخلاقيه حروف صامتة مجالسُ الدعوةِ إلى الله حُجةٌ وتاجٌ من نور 10 16-07-2014 06:50 AM
أمراض القلوب للشيخ خالد الجبير أم مجاهد مجالسُ الدعوةِ إلى الله حُجةٌ وتاجٌ من نور 10 26-09-2013 05:15 PM
جلطة الدماغ قد تأتي متخفية في ثياب جلطة القلب !! أبكاني قرآن ربي مجلس الصحة والغذاء 4 13-04-2013 05:10 AM
•·.·°¯`·.·• الحب بكل الحروف •·.·°¯`·.·• هدوء احساس مجلس أوراق ملونة 12 15-03-2012 01:27 PM


الساعة الآن 02:50 AM


Powered by vBulletin® Copyright ©2000 - 2020, Jelsoft Enterprises Ltd.
Content Relevant URLs by vBSEO 3.6.0 TranZ By Almuhajir
Ads Organizer 3.0.3 by Analytics - Distance Education
جميع الحقوق محفوظة لـ : منتديات العبير
المحتوى المنشور فى موقع العبير لايعبر بالضرورة عن وجهة نظر الإدارة وإنما يعبر عن وجهة نظر كاتبها