موقف ايام الكلية ....

بسم الله الرحمن الرحيم
بصراحة احترت اين اضع موضوعي
اخواتي الغاليات انا مااعرف انسق كلامي بس حابه اقولكم قصة صارت معي ايام الكلية يمكن تستفيدوا منها
قبل لااقول القصة ابقولكم انا انسانه يعلم الله اني ماكنت اغش ايام الامتحانات (الا مره ندمانه عليها وكانت بسبب القصة اللي حااقولها لكم)
بدون مقدمات ........................
والله ماانسى مره ايام الكلية كان عندنا اختبارمادة اكرهها وماذاكرت مزبوط
وصبحتني يومها وحده من صاحباتي بسؤالها: كيف ذاكرتي وقلتلها لاوالله بصراحه
وعلى طول قالتلي :
خلاص ماعليكي تعالي جنبي في الامتحان وماعليكي الا اللي ينقلكي كل الاجوبة وقلتلها :لا والله حرام تخيلي لو توظفت مالي حيكون حرام والله العظيم جلست فتره تحاول قبل الإمتحان وقلتلها والله لو مااجاوب مااقدر اغش حرام وفعلا عدى الاختبار واللي قدرني الله عليه سويته
ومره في اختبارات نصف السنة فيه زميلتين ليه في القاعه انا جالسة في الامتحان قبلهم يعني الكرسيين اللي وراي هم جالسيين عليه (ياعيني ع الشرح )المهم قالوا: فلانه كويييييييس( يبغوني اغششهم بالرغم من اني مو ذيك الشطارة )
على طول قلتلهم بذوق وهذي الكلمتين بس: انا مااغش ولا اغشش واستحو وقالو ايوه خلاص
ومره ايام الإمتحانات النهائية تخيلو فيه زميلة برضو جالسة قدامي اول ماشافتني قالت : كويس عشان تغششيني
على طول قلت انا مااغش ولا اغشش وفهمت وخلاص
المهم وانا في الفرقة الثالثة تحديداً كان عندنا إختبار مادة (حيوان)
والدكتورة مقسمة الدرجات ..الاختبار الفصلي من 10 درجات ونختبر مرتين وكل امتحان في جزء من المادة
وباقي درجات المشاركة كمان تعملها لنا اختبار صغيرمن 5 درجات....... مو مهم
طبعا بالصدفة اختباري الاثنين صار في يوم واحد لان الاختبار الفصلي اخذته اعذار صح نفس المادة لكن الجزئية تختلف تماما وركزو على تختلف تماما بصراحه ركزت على الامتحان الكبير
اختبرنا كل البنات في المحاضرة الاولى واختباري الثاني كان نهاية المحاضرات
اختبارات الاعذار عندنا كانت الساعه 1 وطبعا البنات يمكن يدوب 10 اللي يختبرو معاي الماده
ودخلت القاعه (نفس القاعه )وانا ياليت امشي وقالت لي وحده من الزميلات فلانه تعالي ورانا عشان نكمل صف هم طالبتين فقط وانا الثالثة بالصف وباقي الطالبات متوزعين ولما جلست مكاني اشوف الطالبتين اللي قدامي يكتبون على الطاولة والله مدري كيف ماتتعب يدها شكل كل الكتاب كاتبته على الطاولة الله يهديهم
المهم جات الدكتورة ووزعت الاوراق واطل في الاسئلة ماني مصدقة هي ماهي سهلة لكن فرحانه ان كل الاجوبة اعرفها
وقلت في بالي الحمد الله ان شاء الله اجيب العشرة كاملة وقاعدين نحل الاسئلة في امان الله وتجي الدكتورة فجأة ناحية صفنا وتشيل ورقة زميلتي وتقول ماشاء الله ماشاء الله واخذت ورقتها وتجي للثانية ونفس الحركة انا في نفس الوقت قبل لاتوصل عندي كذا من باب التأكد طليت على طاولتي وياليتني ماطليت الطاولة ماهي طاولة كتاب مليان معلومات هذا ادق وصف والمصيبة لنفس مادة الدكتورة كيف ماانتبهت قبل الاختبار ماادري ... انا انصدمت وقلت للدكتورة والله العظيم مو انا اللي كاتبه واخذت ورقتي مع البنات
الله يسامحها وقالت اطلعو برى طلعو البنات اللي معايه انا ماطلعت مع البنات جالسة في مكاني واقولها والله يادكتورة مو انا هنا عشان الظلم اللي حسيت فيه ماقدرت امنع نفسي من البكى وابكي بصوت عالي واقولها والله يادكتورة مو انا وهي مطنشة يادكتورة تعالي شوفي مو خطي طبعا اتكلم وانا ابكي والدكتورة مطنشة طيب يادكتورة مو نفس الجزئية اللي نختبر فيها يمكن جلست 10 دقائق اترجاها ومو راضية لما فقدت الامل طلعت
والله العظيم من البكى عيوني حمرت شافتني دكتورة عزيزة على قلبي وقالت ايش فيك وحكيتها الموقف وعلى طول رجعتني للدكتورة انا والطالبتين اللي معايه وقالت :لا انا ضمناهم( بالمصري)دول كويسين واخذتها راحت تفرجها على الطاولات وقالت :بصي
وانا ماقدرت اسكت ع الظلم وقلت دكتورة هذا مو انا شوفي اصلا مو نفس الجزئية وتدقني الدكتورة اللي جايه تتوسط لنا وقالت معليش عشان خاطري وراحت تبوس راسها انا انقهرت ايش هذا الذل وقالت الدكتورة تبع الاختبار :خلاص حااعملكم اختبار انما ايه وتأشر بيدها..... يعني صعب مره سكت غصب عني وانا مقهورة منها
طلعنا مع الدكتورة اللي اتوسطت لنا وقالت ها فلانه عايزه حاجه والله لاشعوريا حضنتها وبست راسها اسأل الله ان يبارك لها
المهم رحت لاهلي والله يابنات واحنا قاعدين على الغداء احكي اهلي الموقف وكمان بكيت مره ثانيه الظلم مر
وقالت لي امي الله يحفظها : خلاص لاتكدري نفسك صحتك اهم عشان اللي في بطنك وحاولت تخفف عني (وقتها حامل لي 8 شهور )
اليوم الثاني وياسواد حظي اختبار لنفس الدكتورة لكن عملي طبعا نفسيتي مزفته ع الاخر وماذاكرت رحت للامتحان
(مااقدر اغيب لو غبت لازم عذر وانا ماعندي )وكتبت اسمي على الورقة وسلمتها ومااعطيتها الدكتورة اعطيتها المساعدة
وقالت :لا كذا ماينفع انا بكيت .....وهي مستغربة ماتدري ايش القصة على طول قالت للدكتوره واول ماشافتني الدكتورة قالت :هو انتي خلاص تعالي اختبري بكره. وجيت زي ماقالت واختبرت وبصراحه ماجاوبت
بعد الموقف اللي صار قاعده احكي صحباتي ثاني يوم واقول الله يكسر يد اللي كتبت على الطاولة على القليل امسحي بعد ماتختبري ووحده من صحباتي قالت: بالله لاتدعي قلت: ليه قالت: يمكن طاولتي قلت لها: مو معقول قالت: تعالي وريني الطاولة هذا الكلام ثاني يوم بعد الموقف المصيبة لما شافت الطاولة قالت: امانه استغفري هذي طاولتي بالله ايش اسويلها
لاتصدقون انا سامحت الدكتورة تجي على صاحبتي يعني ..
المهم جات نهاية السنة ولا تنسون انها توعدتنا بالاسئلة احنا الثلاثة وانا حفظت المادة زي اسمي واختبرت واخذت 9
والله الى هذا اليوم مقهورة ناقصني درجه ........بهذا الاختبار بالذات ماكان نفسي انقص لكن الحمد الله على كل حال
انتقلت للفرقة الرابعة وهي اخر سنة نفس الدكتورة درستنا الترم الثاني وانا زي ماانا مااغش ولا اغشش
الى ان اتت نهاية العام واختبرتنا نفس الدكتورة اختبار من 5 حليت في الاختبار لكن اعترف وبكل اسف غشيت كلمتين
نقلتني صاحبتي على السريع ونسيت الموقف وتخرجت على خير وجلست اقل من سنه في البيت
وقولو ماشاء الله وجاء تعييني على خير تدرون ايش جاء في بالي الغش اللي انا غشيته ايش غيرني على اخر سنه والله العظيم يابنات انا ندمانه من كل قلبي لان راتبي يمكن خالطه الحرام الله يسامحني
نصيحه اللي لسه تدرس لاتغشين ترى تندمين اذا توظفتي
واعذروني على الاطالة

مع ان الحديث للبنات ..

لكن ذكرني بقصة صدق .. قهر ..

والظلم مثل ماقلتي مر ..


::::::::


اختبار انجلش 102 .. عند الدكتور بريطاني ..

المهم بدأ الاختبار واحنا اسئلة نحل واسئلة انت وحظك >> من جنبها

المهم .. زميل لي قال ناداني .. وقال عبد الله . التفت .. له ..

على شوفة الدكتور لي ..

طبعاً .. هزأني بالانجلش .. وقلت له .. الحمد لله مو فاهم ولا كلمة كان هاوشتك >> من قهري ..

واللي فهمته وقتها منه ... Go out .. >> فاهم انجلش ..

وخرجت ورسبني في المادة ويشهد الله ماشفت شيء .. ولا غشيت .. حرف ..

لكن الحمد لله رب العالمين ..

.. ونصيحتي لك .. عليك بالصدقة ..

هههههه يا حليلك والله مواقف تجي على الواحد ظلم أشكال وأنواع الحمد لله على كل حال

غلاتي تصدقي وصدقيني والعلم عند الله التائب من الذنب كمن لا ذنب له،،،، وبإذن الله راتبك حلال وتجي على الإنسان مواقف يضعف فيها ،،

على ذكر المواقف أيام الجامعة كان معنا بنات حريفات غش الله لا يبلانا وللأمانة أغلبهم شيعيات وعلى بالهم كل وحده زيهم المهم عندنا أمتحان وأنا خاضني بطني خض وكان وراي وكذلك قدامي شيعيتين إلي قدامي تعرف طبعي أما إلي وراي مسيكينه جت ورقة الإختبار وتوني أقول بسم الله إلا كرسيي يهتز قلت يمكن من الخضه ويهتز مرة ثانية وتشويت على كيف كيفك أنا بصرااااااحة أنهبلت هذي وش فيها والعمة الدكتورة تقز فيني قز كرسيك ليش يهتز وأنت ليش كل شوي تتحركين بصراااااااحة رفعت عيني بعد ما أرتفع ضغطي وأشوف وحده من صديقاتي ربي يخليها تضحك وتأشر لي أنا فهمت عليها هذي البنت تبيني أغششها ههههههه بصرااحة تناحة عصبت ونسيت أن الدكتور تشوفني وألتفت عليها وأنفخ أنت وش بلاك !!!!! ولما شفت نظراتها خاااااايفه هونت من التكمله وقلت خلالالالالالاص ترا ضايقتيني بعدي كرسيك زاحمتني ههههههههههههه طبعا الدكتورة كانت تدري بقصد البنت بس من الضحك ما قالت شي وبصراحة البنت من بعد هذا الموقف ما تجلس في صف أنا فيه أبدااااا،،،،


حركتي الذكريات والله مواقف ،،،،

شكراااااا حبيبتي ووسعي صدرك وإنما الأعمال بالنيات،،،،،، وخليك قوووووويه بلا دموووع ودلع ههههه،،،


اللهم صل وسلم على نبينا محمد صلى الله عليه وسلم،،،،،،،

أخ عبد الله بالعكس شرفني ردك ومشكور على النصيحه

اختي الغالية فتاة الاسلام شكرا على مرورك العطر

الله يسعدك

يعطيك العافيه ..قلبي

ربي يسعدك ..


والله موضوعك جووونااااان..


عشتي عشتي والله...


استمري على جهودك الرائعه ..

شكرا والله....ايام الجامعة كانت في بعض الاحيان ظلم

موضوع جوناااااااااااااااااااااا ااااااااااان

تشكرات على الطرح المميز

يسلمو على الموضوع الرائع