قالوا حبيبك

قالوا حبيـــــبك ,,,,
________________________________________
قالوا حبيـــــبك ,,,,



قالو حبيبك يسمع الشعـر قلـت أيـه

يقـراه بعيونـي قـبـل تسمعـونـه

لو لاه حتى طاري الشعر مـا أبيـه

مير أكتبه من شـان خاطـر عيونـه

هو روح شعري وأمنياتـه وماضيـه

جذع الشجر وش كان لولا غصونه.؟!

أكتب لغيـره والقصايـد تجـي فيـه

كن القصايـد حالفـه ماتخونـه..!!

هذاك لا منـه زعـل قمـت أهاديـه

حتى وهـو مخطـي تعـذرت دونـه

يمكن لو انه يلمـس الجـرح بيديـه

يستغرب أن اللـي لمسهـا طعونـه

أبطي وهو غايـب وزلـت حراويـه

و أنا مـن العـام آتحـرى مزونـه

هو مادرى اني فـي غيابـه محاتيـه

ليته نشد عـن حالـي اللـي يجونـه

وا قلبي اللـي تـوه أفلـت عراويـه

كيف انسرق وضلوع قلبي حصونـه

عجزت ارده كـان مانـي براعيـه

يوم انتثر شوقـه وهاضـت شجونـه

يسن عروقـي لكـن اللـي يعزيـه

أن أكثـر العالـم تــردد لحـونـه

خافـو مـن الله لا تجيبـون طاريـه

لا صرت أنـا موجـود لا تذكرونـه

لـو كـل غالـي جابـه الله لغاليـه

ماشفت لك مخلـوق تبكـي عيونـه

إليك أنت
ودمتم...........

أصايل